அம்பாறையில் மினி சூறாவளி

அம்பாறை மாவட்டத்தில் வீசிய பலத்த காற்றினால் கரையோரப் பிரதேசங்களிலுள்ள கட்டங்களுக்கு சேதம் ஏற்பட்டுள்ளது. இன்று திங்கட்கிழமை அதிகாலை 3.00 மணியளவில் வீசிய பலத்த காற்றினால் கல்முனை, மருதமுனை  உள்ளிட்ட கரையோரப் பிரதேசங்களிலும் மாவடிப்பள்ளி முதலான பகுதிகளிலும் கட்டங்களுக்கு சேதம் ஏற்பட்டுள்ளது.

கல்முனையிலுள்ள அல்ஹாமியா அரபுக் கல்லூரியில் புதிதாக அமைக்கப்பட்ட கட்டடம் ஒன்று முழுமையான சேதத்திற்கு உள்ளாகியுள்ளதாக தெரியவருகிறது. தற்போது அப்பகுதிகளில் கடும்  மழையுடன் பலத்த காற்றும் வீசிவருகின்றது.