பெற்றோரைப் பலியெடுத்த ஓரினச் சேர்க்கை

அன்னையும் பிதாவும் முன்னெறி தெய்வம் என்று நம் ஆன்றோர்கள் சொல்லி வைத்தார்கள். ஆனால் அந்த நிலை படிப்படியாக மாறி அற்ப சொற்ப விடயங்களுக்காக தம் பெற்றோர்களையே பிள்ளைகள் படுகொலை செய்யுமளவுக்கு நிலைமை மோசமடைந்துள்ளமையானது வேதனைக்குரிய விடயமாகும்.

அண்மையில் மட்டக்களப்பு செங்கலடி பகுதியில் இதுபோன்றதொரு அதிர்ச்­சி­யூட்டும் சம்­பவம் நடந்­தே­றி­யது. அதா­வது தனது காத­லுக்குத் தடை­யா­க­வி­ருந்த பெற்­றோரை திட்­ட­மிட்டு காதலன் மூல­மாக 16 வயது மகள் படு­கொலை செய்த சம்­ப­வமே அது. இதே­போன்று மற்­று­மொரு அதிர்ச்­சி­யூட்டும் அரு­வ­ருக்­கத்­தக்க சம்­பவம் ஒன்று கடந்த 19 ஆம் திகதி வெள்­ளிக்­கி­ழமை புல்­மோட்டைப் பகு­தியில் இடம்­பெற்­றது.

அதா­வது புல்­மோட்டை பொலிஸ் பிரி­வுக்கு உட்­பட்ட ஐந்தாம் கட்ட மஹ­சென்­புர பிர­தே­சத்தைச் சேர்ந்த எச்.எம்.சூரிய பண்­டார வயது 39 மற்றும் அவ­ரு­டைய மனை­ய­வி­யான எஸ்.ஜீவனி அனு­ருத்­திக்கா வயது 36 ஆகியோர் மிகவும் கொடூ­ர­மான முறையில் படு­கொலை செய்­யப்­பட்ட சம்­ப­வமே கடந்த 19 ஆம் திகதி இடம்­பெற்­றது.

இந்தப் படு­கொ­லை­யுடன் தொடர்­பு­டைய சந்­தேக நப­ரான இரு­பது வயது யுவதி பலி­யா­ன­வர்­க­ளு­டைய 16 வயது மற்றும் 8 வய­து­டைய இரு மகள் ­மா­ரையும் அழைத்துக் கொண்டு தப்பிச் சென்று தலை­ம­றை­வா­கி­யி­ருந்த நிலையில் ஜா-–எல பகு­தியில் வைத்துக் கைது செய்­யப்­பட்டார். சந்­தேக நபரின் கைதினைத் தொடர்ந்து இக் கொலை தொடர்­பான அதிர்ச்­சி­யூட்டும் தக­வல்கள் கசியத் தொடங்­கின.

இப்­ப­டு­கொலைச் சம்­ப­வத்­தினால் பலி­யான சூரிய பண்­டார என்­பவர் அப்­பி­ர­தே­சத்தில் சிவில் பாது­காப்புப் படையில் சேவை­யாற்றி வந்­துள்ளார். அதற்கு மேல­திக வரு­மா­னத்­திற்­காக சாரதி தொழி­லி­னையும் புரிந்து வந்­துள்ளார். சூரிய பண்­டா­வுக்கும் ஜீவனி அனு­ருத்­தி­கா­வுக்கும்  இரண்டு பெண் பிள்­ளைகள். மூத்­த­வ­ளுக்கு 16 வயது இளைய மக­ளுக்கு 8 வயது. இந்த இரு மகள்­மார்­களும் மஹ­சென்­புர மகா வித்­தி­யா­ல­யத்தில் கல்வி பயின்று வந்­தார்கள்.

இந்த இரட்டைக் கொலை­யுடன் தொடர்­பு­டைய சந்­தேக நப­ரான 20 வய­து­டைய யுவதி 5 ஆம் கட்டை மஹ­சென்­புர புல்­மோட்டைப் பகு­தியைச் சேர்ந்­தவர். கொலை செய்­யப்­பட்­ட­வர்­களின் வீட்­டி­லி­ருந்து சுமார் 400 மீற்றர் தூரத்­தி­லேயே சந்­தேக நப­ரான யுவ­தியின் வீடு அமைந்­தி­ருந்­தது.

குறித்த யுவ­தியின் பெயர் ரூபிகா தம­யந்தி. இந்த யுவதி மிகவும் வித்­தி­யா­ச­மான குண­வி­யல்­பு­க­ளு­டை­ய­வ­ராக இருந்தாள். மது அருந்­து­வதுஇ புகை  பிடிப்­பது என பல தீய பழக்­கங்கள் அவ­ரி­ட­மி­ருந்­தன. ஆகையால் அவர்­க­ளது வீட்டில் அடிக்­கடி பிரச்­சி­னைகள் ஏற்­பட்­டது. இவ்­வாறு பிரச்­சினை உச்ச கட்­டத்தை அடைந்­த­போது பெற்றோர் ரூபி­காவை வீட்டை விட்டு வெளி­யேற்­றி­யுள்­ளனர்.

2010 ஆம் ஆண்­டி­லேயே ரூபிகா தமது பெற்­றோ­ருடன் சண்­டை­யிட்டுக் கொண்டு வெளி­யே­றி­யுள்ளார். இவ்­வாறு வீட்டை விட்டு வெளி­யே­றிய ரூபி­கா­வுக்கு சூரிய பண்­டார தனது வீட்டில் அடைக்­கலம் கொடுத்தார். அன்று முதல் சம்­பவ தினம் வரை ரூபிகா சூரிய பண்­டா­ரவின் வீட்­டி­லேயே இருந்­துள்ளார்.

ரூபி­காவின் வரு­கையை அடுத்து சூரிய பண்­டா­ரவின் வீட்டு உறுப்­பி­னர்­களின் எண்­ணிக்கை ஐந்­தாக அதி­க­ரித்­தது. அதா­வது சூரிய பண்­டாரஇ அவ­ரது மனைவி மற்றும் இரு பிள்­ளை­க­ளுடன் ரூபிகா ஆகியோர் வீட்டில் இருந்­துள்­ளனர். ரூபிகா மரம் ஏறு­வது முதல் சகல கடின வேலை­க­ளையும் செய்­யக்­கூ­டி­ய­வ­ளாக இருந்தாள். ஆனால்இ அதி­க­மாக தென்னை மரம் ஏறி தேங்காய் பறித்துக் கொடுப்­ப­தையே அவள் தொழி­லாக செய்து வந்­துள்ளாள்.

சூரிய பண்­டார மது­வுக்கு அடி­மை­யா­னவர். அதே­போன்று ரூபி­காவும் நன்­றாக மது அருந்தக் கூடி­யவர். எனவேஇ இரு­வரும் மாலை வேளை­களில் ஒன்­றாக மது அருந்­து­வதை பழக்­க­மாக கொண்­டி­ருந்­தனர். அதே­போன்று சூரிய பண்­டா­ரவின் குடும்­பத்தில் ஒருத்­தி­யாக நிலை கொண்­டு­விட்டாள். இவ்­வா­றான நிலையில் 2010 ஆம் ஆண்டு ஏப்ரல் மாதம் 16 ஆம் திகதி சூரிய பண்­டா­ரவின் மூத்த மகள் பூப்­ப­டைந்தாள்.

அவள் பூப்­ப­டைந்து சுமார் ஒரு மாத்தின் பின்னர் ரூபிகா மெது­வாக அவ­ளுடன் ஓரின சேர்­கையில் ஈடு­பட தொடங்­கி­யுள்ளாள். ஆரம்­பத்தில் அதற்கு விருப்பம் தெரி­விக்­காத அந்த சிறுமி பின்னர் அதற்குப் பழக்­கப்­பட்­டு­விட்டாள். இவ்­வாறு ரூபி­கா­வுக்கும் சூரிய பண்டாரவின் மூத்த மகளுக்குமான ஓரின தொடர்பு விருத்தியடையத் தொடங்கியுள்ளது.

இந்த தவறான நடத்தையானது பின்னர் பெற்றோருக்கு தெரிய வந்துள்ளது. இதனையடுத்து அதனை நிறுத்துமாறு மகளை எச்சரித்ததுடன் ரூபிகாவுக்கும் அது பற்றிக் கூறியுள்ளனர். ஆனால் அவர்களோ அதை நிறுத்தாமல் தொடர்ந்து தமது ஓரினக் காதல் செயற்பாட்டினை முன்னெடுத்துச் சென்றுள்ளனர்.

இந்த ஓரின தொடர்­பா­னது ஒரு­பு­ற­மி­ருக்­கையில் ரூபிகா சூரிய பண்­டா­ர­வு­டனும் தவ­றான  தொடர்­பினை ஏற்­ப­டுத்­தி­யுள்ளாள். இந்த விட­ய­மா­னது சூரிய பண்­டா­ரவின் மூத்த மக­ளுக்கு தெரிய வந்­துள்­ளது. உடனே அவள் ரூபி­கா­வுடன் சண்­டை­யிட்டு தந்­தை­யு­ட­னான தவ­றான தொடர்­பினை நிறுத்­தி­யுள்­ள­துடன் தமது ஓரி­ன­க்கா­தலை தொடர்ந்தும் முன்­னெ­டுத்துச் சென்­றுள்ளார்.

சூரிய பண்­டா­ரவின் குடும்பம் மிகவும் ஏழ்­மை­யான குடும்பம். சிறிய வீடொன்­றி­லேயே அவர்கள் வசித்­து­வந்­துள்­ளனர். ஆகை­யினால்  இந்த விட­யத்தை அவர்கள் அவ்­வ­ள­வாக பெரி­து­ப­டுத்­தாமல் இருந்­துள்­ளனர். அத்­தோடு ரூபிகா தினந்­தோறும் ஏதா­வது வேலை செய்து காசு பணம் கொண்டு வரு­வ­தாலும்  ஏனைய விட­யங்கள் பற்றி பெரி­தாக யாரும் அக்­கறை செலுத்­த­வில்லை.

இது போன்ற விட­யங்கள் அனே­க­மாக சாதா­ரண குடும்­பங்­களில் நடப்­பது மிக மிக அரிது.  ஆனால்இ இந்த எளிய குடும்­பத்தில் எப்­படி இடம் பெற்­றது என்­பது உண்­மை­யி­லேயே புதி­ரா­கத்தான் இருக்­கி­றது. சாதா­ர­ண­மாக ஒரு நகர்ப்­பு­றத்தில்  இது போன்ற ஒரு காதல் விவ­காரம் ஏற்­பட்­டி­ருந்தால் கூட அவ்­வ­ளவு பெரி­தாக சிந்­திக்க வேண்­டி­ய­தில்லை. ஆனால் தொழில் நுட்ப வசதி குறைந்த பின்­தங்­கிய ஒரு பகு­தியில் இவ்­வா­றான ஒரு சம்­பவம் இடம்­பெற்­றி­ருப்­ப­தா­னது உண்­மை­யி­லேயே சிந்­திக்­க­வைத்­துள்­ளது.

பெரிய  நாடுகள் சில­வற்றில் இந்த விட­ய­மா­னது அவ்­வ­ளவு பெரி­தாக கரு­தப்­பட ாவிட்­டாலும் கூட இலங்கை போன்ற நாடு­களில் அது­வொரு அரு­வ­ருக்­கத்­தக்க மோச­மான செயற்­பா­டா­கவே கரு­தப்­ப­டு­கி­றது. ஆனாலும் இவ்­வா­றான கலா­சார  சீர­ழி­வுகள் படிப்­ப­டி­யாக எமது நாட்டில் அதி­க­ரித்துக் கொண்டே வரு­கின்­றன.

இவ்­வா­றான நிலையில் கடந்த 14ஆம் திகதி சித்­திரை புத்­தாண்டு தினத்­தன்று சூரி­ய­பண்­டார தனது மனைவி பிள்­ளை­க­ளுடன் பொல­ந­று­வையில் உள்ள தமது உற­வினர் வீட்­டிற்கு குடும்­பத்­துடன் சென்­றுள்ளார். அவர்­க­ளுடன் ஜீவனி ரூபி­காவும் சென்­றுள்ளார்.

பொல­ன­று­வையில் உள்ள சூரிய பண்­டா­ரவின் மனை­வியின் உற­வினர் வீட்­டிற்கே கடந்த 14ஆம் திகதி சூரிய பண்­டா­ரவின் குடும்­பத்­தினர் சென்­றுள்­ளனர். அங்கு சென்று அவர்கள் சந்­தோ­ஷ­மாக சித்­திரை புத்­தாண்டை கொண்­டாடி மகிழ்ந்­தனர். சூரிய பண்­டா­ரவின் மனை­வி­யி­னது உற­வி­னர்கள் ரூபி­கா­வுக்கு மாப்­பிள்­ளை­யொன்று பார்த்­துள்­ள­தா­கவும் விரை­வாக திரு­மணம் முடித்து புல்­மோட்­டை­யி­லி­ருந்து பொல­ன­று­வைக்கு அழைத்து வரு­வ­தா­கவும் கூறி­யுள்­ளனர்.

இந்த செய்­தி­யா­னது ரூபி­கா­வுக்கு பேர் அதிர்ச்­சி­யாக இருந்­தது. அதா­வது  ரூபிகா திரு­மண வாழ்க்­கையில் நாட்­ட­மில்­லா­தவள். அத்­தோடு சுமார் இரண்­டரை வரு­டங்­க­ளாக சூரிய பண்­டா­ரவின் மூத்த மக­ளுடன் ஓரின காதல் தொடர்­பினை மேற்­கொண்டு வரு­பவள். ஆகையால் இந்த  விடயம் தொடர்­பாக சூரிய பண்­டா­ரவின் மூத்த மக­ளுடன் பேசி­யுள்ளார்.

ரூபி­கா­வுக்கு திரு­ம­ணத்தில் நாட்­ட­மில்லை. ஆகையால் தனது காத­லி­யான சூரிய பண்­டா­ரவின் மூத்த மக­ளிடம் இந்த விடயம் தொடர்­பாக கலந்­து­ரை­யா­டி­யுள்ளாள். அத்­தோடு தமது காதலை தொடர்­வ­தானால் சூரி­ய­பண்­டா­ர­வையும் அவ­ரது மனை­வி­யையும் கொலை செய்து விட்டால்  சரி என்று எண்­ணிய ரூபிகா அதனை காத­லி­யிடம் கூற அவளும் பெற்­றோரை கொலை செய்­வதை வேண்டாம் என்று சொல்­லாமல்  இணங்­கி­யுள்ளாள்.

இந்த கலந்­து­ரை­யா­டலின் பின்­னரே குறித்த படு­கொலை தொடர்­பான திட்­டத்­தினை ரூபிகா தீட்­டி­யுள்ளாள். அத­ன­டிப்­ப­டையில் கடந்த 19ஆம் திகதி மாலை 1ஃ2 போத்தல் சாரா­யத்­துடன்  வந்த ரூபிகா காட்­டுக்கு வேட்­டைக்கு செல்வோம் என கூறி சூரிய பண்­டா­ர­வையும் அழைத்துக் கொண்டு வீட்­டுக்கு சற்று தொலை­வி­லுள்ள காட்­டுக்கு சென்­றுள்ளாள்.

காட்­டுக்கு சென்­ற­போது நீள­மான கைப்­பி­டி­யை­யு­டைய காட்டுக் காத்­தி­யு­ட­னேயே ரூபிக்கா சென்­றுள்ளாள். வேட்­டைக்குச் செல்­வதால் சூரி­ய­பண்­டார அவள் மீது சந்­தேகம் கொள்­ள­வில்லை. காட்­டுக்கு சென்ற இரு­வரும் அங்கு 1/2 போத்தல் சாரா­யத்தை குடித்­துள்­ளனர். அதன்­பின்னர் ஒரே­டி­யாக எழுந்த ரூபிகா காட்­டுக்­கத்­தியை எடுத்து சூரி­ய­பண்­டா­ரவை தாக்­கி­யுள்ளாள். சூரிய பண்­டார  துடி­து­டித்து இறந்து போனார்.


சூரிய பண்­டா­ரவை படு­கொலை செய்த ரூபிகா கொலைக்கு பயன்­ப­டுத்­திய காட்­டுக்­கத்­தி­யினை முற்­பு­த­ருக்குள் வீசி விட்டு சூரி­ய ­பண்­டா­ரவின் வீட்­டுக்கு வந்­துள்ளார். வீட்டின் கதவு மூடி­யி­ருந்­த­மை­யினால் ஜன்னல் வழி­யாக புகுந்து உள்ளே சென்­றுள்ளாள். அதன் பின்னர் சூரிய பண்­டா­ரவின் மனைவி தனது கணவன் தொடர்­பாக விசா­ரித்த போது தனக்கு தெரி­யா­தென ரூபிகா கூறி­யுள்ளாள். ஆனால் மக­ளிடம் அப்­பாவை  கொலை செய்து விட்­ட­தா­கவும் அம்­மாவை தூங்­கிய பின் கொலை செய்வோம் எனவும் ரூபிகா காத­லி­யிடம் கூறி­யுள்ளாள்.

அதே­போன்று அம்மா தூங்­கி­யதும்  மகள் கோட­ரியை எடுத்து ரூபி­கா­விடம் கொடுத்­துள்ளாள். ரூபிகா தலை மற்றும் முகத்தில் சர­மா­ரி­யாக கோட­ரியால் தாக்­கி­யுள்ளாள்.

அதன் பின்னர் சூரிய பண்­டா­ரவின் இரு மகள்­மார்­க­ளையும் கூட்டிக் கொண்டு அருகில் இருந்த தனது தாயாரின் வீட்­டுக்கு சென்­றுள்ளாள். ஆனால் அவர்கள் அவளை ஏற்றுக் கொள்­ள­வில்லை.

பின்னர் மற்­று­மொரு உற­வினர் வீட்­டுக்குச் சென்ற ரூபிகா நடந்த விட­யங்­களை கூறி 500 ரூபாய் பணத்­தினை பெற்றுக் கொண்டு தனது காத­லி­யையும் அவ­ளது 8 வயது தங்­கை­யையும் அழைத்துக் கொண்டு கடந்த 20 ஆம் திகதி அதி­காலை மூன்று மணி­ய­ளவில் புல்­மோட்­டை­யி­லி­ருந்து பஸ்ஸில் ஏறி ஜா-–எல வந்­துள்ளார்.

கடந்த 20 ஆம் திகதி காலை புல்­மோட்டை பொலிஸ் நிலை­யத்­துக்குச் சென்ற ரூபி­காவின் தாய் முதல் நாள் இரவு தனது மகள் தன்னைத் தேடி வீட்­டுக்கு வந்­த­தையும் அவள் கூறிய விட­யங்­க­ளையும் கூறி முறைப்­பாடு செய்­துள்ளார். அத­ன­டிப்­ப­டையில் பொலிஸார் விசா­ர­ணை­களை ஆரம்­பித்­தனர்.

காட்டில் கொலை செய்­யப்­பட்­டுக்­கி­டந்த சூரி­ய­பண்­டா­ரவின் சட­லத்­தி­னையும் அவ­ரது மனை­வியின் சட­லத்­தி­னையும் மர­ண­வி­சா­ர­ணை­களின் பின்னர் பொலிஸார் வைத்­தி­ய­சா­லைக்கு எடுத்துச் சென்ற­னர். இந்த கொலை தொடர்­பான சந்­தேக நபர் தலை­ம­றை­வான போது அவ­ருடன் சூரி­ய­பண்­டா­ரவின் மகள்மாருடன் சென்­றது ஏன் என்ற சந்­தேகம் பொலி­ஸா­ருக்கு ஏற்­பட்­டது. ஆனால் அந்த சந்­தே­கத்­துக்­கான பதில் அடுத்த நாளே பொலி­ஸா­ருக்கு தெரிய வந்­தது.

அதா­வது கைது செய்­யப்­பட்ட சந்­தேக நப­ரி­ட­மி­ருந்து பெறப்­பட்ட வாக்கு மூலத்தின் பிர­கா­ரமே அது தெரிய வந்­தது.


ஜா-எல பொலி­ஸாரால் கைது செய்­யப்­பட்ட சந்­தேக நப­ரான ரூபிகா மற்றும் சூரி­ய­பண்­டா­ரவின் இரு மகள்­மார்­க­ளையும் மேல­திக விசா­ர­ணை­க­ளுக்­காக ஜா-எல பொலிஸார் புல்­மோட்டை பொலி­ஸா­ரிடம் ஒப்­ப­டைத்­தனர். புல்­மோட்டை பொலிஸார் மேற்­கொண்ட விசா­ர­ணை­களின் போது பிர­தான சந்­தேக நப­ரான ரூபிகா வாக்கு மூலம் வழங்­கு­கை­யி­லேயே தமது ஓரின சேர்க்­கைக்கு பிரச்­சினை வந்து விடக்­கூ­டாது என்­ப­தற்­கா­கவே இந்த இரட்டை கொலை­யினை செய்­த­தாக ஒப்­புதல்வாக்கு மூலம் வழங்­கி­யுள்ளார்.

தனக்கு திரு­மணம் முடித்து வைத்து தனது காத­லியை பிரிக்க  ஏற்­பா­டுகள் செய்­யப்­பட்­ட­தா­கவும் ஆகையால் சூரியபண்­டா­ர­வையும் அவ­ரு­டைய மனை­வி­யையும் கொலை செய்து விட்டால் தமது ஓரின காத­லுக்கு பிரச்­சினை  வராது என்று கரு­தி­ய­தா­கவும்  அதன் பின்னர் அது பற்றிதனது காத­லி­யான சூரிய பண்­டா­ரவின் மக­ளுடன் கலந்­து­ரை­யா­டி­யதன் பின்­னரே அவர்­களை கொலை செய்­த­தா­கவும் சந்­தேக நபர் பொலிஸில் தெரி­வித்­துள்ளார்.

சந்­தேக நப­ரான ரூபிக்­காவும் அவ­ளு­டைய காத­லி­யான சூரிய பண்­டா­ரவின் மூத்த மகளும் விளக்­க­ம­றி­யலில் வைக்­கப்­பட்­டுள்ள அதேவேளை 8 வயது சிறுமி சூரியபண்டாரவின் உறவினர்களிடம் கையளிக்கப்பட்டுள்ளாள்.

அத்துடன் சந்தேக நபரான ரூபிகாவின் செயற்பாடுகள் ஆணைப்போல் இருப்பதால் ஆணா? பெண்ணா?  என்று வைத்திய அறிக்கை சமர்ப்பிக்குமாறு நீதிமன்றம் உத்தரவிட்டுள்ளது. இந்த படுகொலை தொடர்பான விசாரணைகள் கிழக்கு மாகாணத்துக்கு பொறுப்பான  சிரேஷ்ட பிரதி பொலிஸ் மா அதிபர் பூஜித ஜயசுந்தர தலைமையில் புல்மோட்டை பொலிஸார் மேற்கொண்டனர். அதேபோன்று மேலதிக விசாரணைகளையும் மேற்கொண்டு வருகின்றனர்.

எந்தவொரு குற்றத்தையும் புரிந்து விட்டு குற்றவாளியால் நிரந்தரமாக மறைந்து வாழ முடியாது எனவும் அவர்கள் எப்படியும் பிடிபடுவார்கள் எனவும் தெரிவிக்கும் சிரேஷ்ட பிரதிபொலிஸ்மா அதிபர் பூஜித ஜயசுந்தர இது போன்ற கலாசார சீரழிவுகள் ஏற்படுவதற்கான உளவியல் காரணங்களை கண்டறிந்து அதனை கட்டுப்படுத்துவதற்கு உரிய தரப்பினர் நடவடிக்கை எடுக்க வேண்டும் எனவும் அவர் சுட்டிக் காட்டினார்.

Bas VI -எம்.நேசமணி