-ஹனீபா-
அக்கரைப்பற்று ஸ்ரீ இராமகிருஷ;ணா தேசிய பாடசாலை மாணவி தணிகாசலம் தர்ஷிக்கா உயர்தர விஞ்ஞானப் பிரிவில் 3ஏ சித்திகளைப் பெற்று மாவட்ட மட்டத்தில் முதலாம் இடத்தையும் அகில இலங்கை ரீதியில் நான்காவது இடத்தையும் பெற்றுக் கொண்டமையை கௌரவிக்கும் முகமாக அக்கரைப்பற்று மக்கள் வங்கியினால் ஏற்பாடு செய்யப்பட்ட பாராட்டு விழா (28.02.2013) அதிபர் எம்.கிருபைராஜா தலைமையில் நடைபெற்றது.
இந்நிகழ்வில் மக்கள் வங்கியின் பிராந்திய முகாமையாளர் ஐ.சோமச்சந்திர, வலயக் கல்விப் பணிப்பாளர் ஆர்.சுகிர்தராஜன், பிரதிக் கல்விப் பணிப்பாளர் வீ.குணாலன், உதவி வங்கிப் பாதுகாப்பு அத்தியட்சகர் ஆர்.சிறிவேல்ராஜா, அக்கரைப்பற்று முகாமையாளர் எம்.ஏ.எம்.நஸீர், பாடசாலை அபிவிருத்திச் சங்க செயலாளர் கணக்காளர் கே.கணகரத்தினம், உறுப்பினர்களான வீ.சுகிர்தகுமார், கே.விஜயபாலா உட்பட பலர் கலந்து கொண்டனர்.
இங்கு பிராந்திய முகாமையாளர் ஐ.சோமச்சந்திரா உரையாற்றுகையில் எமது நிறுவனம் நிதியை மட்டும் கருத்தில் கொண்டு செயற்படும் நிதி நிறுவனமன்றி சிறந்த மனித வளங்களை உருவாக்குவதற்கும் இவ்வாறான மாணவர்களை ஊக்குவிப்பதிலும் உதவி வழங்குவதிலும் முன்னின்று செயற்பட்டு வருகின்றது எனத் தெரிவித்தார். அத்துடன் இம்மாணவி தணிகாசலம் தர்ஷிக்கா வங்கியில் பயிற்சி பெறுவதற்காக உடன் இணைக்கப்பட்டுள்ளதாகவும் அவர் தெரிவித்தார்.
0 comments:
Post a Comment