சம்மாந்துறையில் அனர்த்த முன்னெச்சரிக்கை விழிப்புணர்வு செயலமர்வு

-ஹனீபா-
சம்மாந்துறை பிரதேச செயலக உத்தியோகத்தர்களுக்கும் பொதுநல அமைப்பின் பிரதிநிதிகளுக்குமான அனர்த்த முன்னெச்சரிக்கை தொடர்பான விழிப்புணர்வுச் செயலமர்வு நேற்று புதன்கிழமை சம்மாந்துறை பிரதேச செயலக கேட்போர் கூடத்தில் நடைபெற்றது.

அம்பாறை மாவட்ட அனர்த்த முகாமைத்துவ மத்திய நிலையத்தின் ஏற்பாட்டில் நடைபெற்ற இச்செயலமர்வில் அனர்த்தங்கள் ஏற்படும்போது அதிலிருந்து பாதுகாப்பு பெறுவது எவ்வாறு? அதற்குரிய ஆயத்தங்களை எவ்வாறு மேற்கொள்வது? என்பது தொடர்பாக வளவாளர்களினால் விளக்கங்கள் வழங்கப்பட்டன.

இந்நிகழ்வில் சம்மாந்துறை பிரதேச செயலாளர் ஏ.மன்சூர், உதவிப் பிரதேச செயலாளர் ஏ.எம்.அப்துல் லத்தீப், அனர்த்த முகாமைத்துவ நிலையத்தின் பிரதிப் பணிப்பாளர் சீ.முகுந்தன், உதவிப் பணிப்பாளர் ஏ.எஸ்.எம்.சியாத், நீர்பாசன திணைக்களத்தின் பொறியியலாளர் ஈ.சிறிநாதன் உட்பட பலர் கலந்துகொண்டனர்.