கோளாவில் பகுதியில் தையல்பயிற்சி நிலையம், உடற்பயிற்சி நிலையங்கள் திறப்பு

(ஹனீபா)

அம்பாறை மாவட்டத்தின் கோளாவில் -2ம் பிரிவுக்கான சிவில் பாதுகாப்புக் குழு உறுப்பினர்களின் ஏற்பாட்டில் கோளாவில் பிரதேச மக்களின் நன்மை கருதி பாராளுமன்ற உறுப்பினர் பீ.எச்.பியசேன அவர்களின் பன்முகப்படுத்தப்பட்ட வரவு செலவுத்திட்ட நிதி மூலம் நிறுவப்பட்ட தையல் பயிற்சி நிலையம் மற்றும் உடற் பயிற்சிக் கூடம் (ஜிம்) என்பன திறந்து வைக்கும் நிகழ்வு நேற்று (31) மாலை கிராம சேவை உத்தியோகத்தர் திருமதி சரோஜா தெய்வ நாயகம் தலைமையில் நடைபெற்றது.

இவ்விழாவில் பிரதம அதிதியாக அம்பாறை மாவட்ட பாராளுமன்ற உறுப்பினரும் உதவும் கரங்கள் அமைப்பின் தலைவருமான பீ.எச்.பியசேன கலந்த கொண்டார். கௌரவ அதிதிகளாக ஆலையடிவேம்பு பிரதேச செயலாளர் வீ.ஜெகதீசன், பாராளுமன்ற உறுப்பினரின் செயலாளர் ரீ.ஜெயாகர், கணக்காளர் கே.கணகரத்தினம் உட்பட கிராம சேவை உத்தியோகத்தர்கள், சமுர்த்தி அபிவிருத்தி உத்தியோகத்தர்கள் ஊர் பிரமுகர்கள் பலரும் கலந்து கொண்டனர்.